Чи уьмуьрда, обществода экологиядин месэлайри йис-сандавай важиблу чка кьазва. Гьар са инсан гележегдин уьмуьр патал элкъуьрна кьунвай тlебиат хуьнин важиблувилин гъавурда акьуна кlанда.
Мегьарамдхуьруьн райондин Цlийихуьруьн юкьван мектебда гъвечlи классриз тарсар гузвай Рубабе Мамедовади экологиядин ачух тарс-мярекат кьиле тухвана.
Чирвал гунин ва тербиядин метлеб авай тарсунин вахтунда аялри тlебиатдин алемдиз сигьятна, абуруз Дагъустандин гьайванрин ва набататрин ажайиб алемдикай хабар хьана. Амма кьилин метлеб аялри чун элкъуьрна кьунвай алемдин гьакъиндай жавабдарвал гьисс авуникай, гьайванрихъ, тlебиатдихъ галаз мукъаятдаказ рафтарвал авуникай тир.
Мярекатдин сергьятра аваз аялри ашкъидивди суьгьбетарна, гзаф кьадардин суалриз жавабар гана, инсандиз тlебиатдихъ галаз авай алакъа тайинарна…
«Лезги газет»
