Са шумуд югъ идалай вилик Къара-­Куьреда (Докъузпара район) ва Ахцегьа (Ахцегь район) азаддаказ кьуршахар ­кьунай международный классдин спортдин мастерар, дуьньядин чем­пионар, ­кесерлу гзаф турниррин гъалибчияр ва кубокрин сагьибар тир Шамил Мамедо­вани  Жабраил Гьажиева аялрихъ галаз мастер-классар кьиле тухвана.

Лагьана кIанда, макьсад аялар куь­чедин чIуру таъсирдик акат тавун, руьгь ва беден мягькем яз чIехи хьун патал  спортдал, сагълам уьмуьр кечирмишунал желб авун тир и серенжемда 120-далай виниз аялри еке ашкъи-гьевесдивди ­иш­тиракна. Серенжемдин сергьятра аваз дуьньядин чемпионри аялриз спортдин кьакьан ку­кIушар муьтIуь­гъарунин сирер ачухна, наси­гьатар гана. Аялрин активвални агъуз­ди ту­шир, мугьманриз суалар гана, бязи месэлай­рай абурун фикирар ­чирна. Эхирдайни вирида санал шикилар яна.

Чи мухбир