Квез чидани?
— Бурунди РагъэкъечIдай патан Африкадин гъвечIи уьлкве я. Адан умуми майданди 27830 квадратный метр кьазва.
— Бурундида 11 миллиондилай гзаф агьалияр яшамиш жезва.
— Колонизаторар яргъал вахтунда и уьлкве къуншидаллай Руандадик акадариз алахъна.
— Бурунди Германиядин, Бельгиядин колония хьанай.
— 2019-йисалди и уьлкведин меркез Бужумбура тир, ахпа меркез Гитегадиз ахкъудна. Гитега 120 агъзур кас яшамиш жезвай гъвечIи шегьер я.
— Бурундидин асул халкьар тир хутуйринни тутсийрин арада авай къалмакъал гьамишалугъдаз элкъвенва.
— Бурундидин агьалийрикай 10 процент мусурманар я.
— Гьукуматдин чIалар уьлкведа пуд ава: френг, рунди ва суахили.
— Уьлкведин гьава тропикринди я.
— Бурундидин агьалияр гзафни-гзаф некьияр ва гьажибугъдаяр гьасилунал машгъул я.
— Уьлкведин агьалийрикай 80 процент хуьрера яшамиш жезва. Бурунди Африкадин уьлквейрикай образование виридалайни агъуз дережада авай чка я.
— Къарамалар Бурундида анжах девлетлу ксарихъ ава. Гьайванри агьалийриз якни нек гунилай гъейри, абурун дережани хкажзава. Инсандихъ гьикьван гзаф калер хьайитIа, гьакьван ам девлетлу яз гьисабзава.
— Мобильный алакъа и уьлкведин агьалийрикай анжах 2 процентдихъ ава.
— Бурундида къир цанвай улакьрин рекьер саки гьалтдач. Аэропорт кардик ква, амма ракьун рекьер авач.
— Чи йикъара Бурунди лап кесиб уьлквейрикай сад яз гьисабзава.
— Уьлкве асул гьисабдай кофе къецепатаз маса гуни хуьзва.
— Бурундида авай Танганьика вире Яру ктабдик кутунвай 120-далай виниз балугърин ва набататрин жуьреяр ава.
— ЧIехи Нил вацIун эвел кьил Бурундида гатIунзава.
«Лезги газет»
