“Лезги газетдин” 33-нумрадиз акъатай “Жавабар жагъурдай вахт атанва” макъала кIелайла, заз жуван фикирарни кхьиз кIан­­зава. Газетда кхьизвайда гьи гьалда ава­тIа­ мил­ли чIалар, вуч авуна кIандатIа, лагьан­вач. За Ахцегьа 1-нумрадин шко­ла­да­ кIел­на. Кьуд йисуз (1949-1952-йисара) за вири предметар лезги чIалал кIелна. Вад лагьай­ класс­дилай предметар урус чIалал кIелиз эгечIна­. Лезги чIалал литература, грамматика муькуь тарсар хьиз (урус лите­ратура, грамматика) кIелиз хьана. Паспор­тар­ яшар ага­кьай­ла гузвачир, чара­суз ма­са чкадиз физ хьайитIа, справка гудай.

За лугьузвайвал тавуртIа, милли чIа­лар­ни квахьда, газетарни амукьдач. Сифте кьуд классда милли чIалал кIе­лин. Вуздиз кьабулин конкурс авачиз. Милли чIалан студентриз стипендия 50% пара гун. Лазим чкайриз направленияр гун, “земский учитель” лугьуз­, миллион манат пулни гуз. Милли чIа­ларин муаллимриз бес кьадар сятер гана, мажибар 50%-дин артухарин.

Ихьтин теклифар, милли месэлаяр депу­татрин куьмекдалди Госдумада гьялна кIан­да. Милли сиясат хьана кIан­да. Исятда школайра милли чIалариз гьафтеда са сят гузва. Гьамни маса муаллимри (математикди, химикди…) тухузва. Бес ибур фикир, акьул­ авай ин­санри­вай эхиз жедай крар яни?! Махсус милли фонд тешкилин. И кIвалах, ге­жел ве­гьин тавуна, кьили кIва­лах­завай ватанпересри гъиле кьуртIа, хъсан кар жеда.

Ярали Яралиев, Каспийск