Квез чидани?

—           Африкадин Кьиблепатан Судан сиягьатчийрин са артух рикI алачир уьлквейрикай сад я. Сиягьатчияр тефинин кьилин себебар ана улакьрин хатасуз рекьер тахьунихъ, кIевелай амална кIани чкадин мягькем адетар аваз хьунихъ галаз алакъалу я.

—           Уьлкведин умуми майдан 619745 квадратный километрдикай ибарат я. Ана 12 миллиондив агакьна инсанар яшамиш жезва.

—           Кьиблепатан Судан жегьил государство я, адан аслу туширвал 2011-йисуз тестикьарна. Гьа йисуз и уьлкве ООН-дик акатна. Аслу тушир уьлкве яз тестикь хьанватIани, Кьиблепатан Судандинни муькуь Судандин арада мулкарин патахъай гьуьжетар давам жезва. Хъсан рекьерни тахьайла, къалмакъалдикни хьайила, жергедин агьалияр кесибвилин зиллетдик ква.

—           Африкадин гзаф уьлквейрилай тафаватлу яз, Кьиблепатан Судандин саки вири чилер тамари кьунва­.

—           И уьлкведин меркез тир Джуба шегьерда чепедикай эцигнавай элкъвей кIвалер ава, анрин къаварни самарикай туькIуьрнава. Меркезда керпичрикай эцигнавай, са мертебадикай ибарат складар-туьквенарни ава.

—           Уьлкведа 570-дав агакьна миллетар яшамиш жезва. Ингилис чIал ана кьилинди я.

—           Чирвилер, савадлувал чIехи несилдин анжах 27 процентдихъ ава.

—           Уьлкведин кьилин ресурс нафт я.

—           Здравоохраненидин хелни Кьиблепатан Суданда гзаф зайиф я. Гьавиляй анин агьалийрик гзаф азарар акатзава.

—           Агьалийрин 50 процент хъвадай михьи целди таъмин туш.

«Лезги газет»