Лезги махар. Абур пуд чкадал пай жезва: суьгьуьрдинбур, яшайишдинбур ва гьайванрикай тирбур. Суьгьуьрдин махара игитар жуьреба-жуьре четинвилера гьатзава, четин тапшуругъар тамамарзава, иблисрал гъалиб жезва. Уьмуьрдин махари пис-хъсан гьаларикай ихтилатзава. Гьайванрикай тир махариз тербия ва насигьат хас я. Лезгийрин гзаф махар “Лезги халкьдин махар” (лезги чlалал), “Дагъустандин халкьарин махар” (урус чlалал) ва маса ктабра гьатнава.

Мугьаррам аль-Ахцегь (ХVIII асир) — Кьиблепатан Дагъустандин машгьур алим Алкьвадар Гьасанан чlехи буба Мугьаррам ал ­Ах­цегь тlвар-ван авай алим, иллаки астроно­мия­дай ва философиядай къуватлу тир. М.Гъ. Са­­­дыкъидин малуматралди, Мугьаррам-эфен­дидин бине Ахцегь райондин Къутун­хъарин хуьряй я. Гуьгъуьнлай Сурхай ханди ам Магьмудахуьруьз ракъурна. Ина ада тlе­бии илимрай чирвилер гудай медреса ачухна­.

Шейх Мегьамед Ярагъи — Кавказда муьруьдизмдин бине эцигайди ва Дагъустандинни Чечнядин вири имамрин муаллим, гьа жергедай яз — Имам Шамиланни.

Мегьамед Ярагъи 1848-йисуз кечмиш хьана. Ам Гуниб райондин Согъратл хуьре кучукнава.

Гьазурайди — Куругъли Ферзалиев