“Лезги спорт” порталди хабар гузвайвал, бине Цналрин хуьряй тир Камил Куругълиева азаддиз кьуршахар кьунай дуьньядин кIвенкIвечивал патал кьиле фейи акъажунра 1-чка кьуна.
Финалдин бягьсина чи ватанэгьлиди Венгриядин векил Мусса Арсункаеван винел 11:0 гьисабдалди гъалибвал къачуна.
* * *
Вичик еке умудар кутунвай жегьил спортсмен Марат Зингьарова мукьвара спортдин рекье нубатдин кукIуш муьтIуьгъарна: ЦIунтIи районда азаддиз кьуршахар кьунай кьиле фейи республикадин турнирда ам 1-чкадиз лайихлу хьана.
Къейд ийин хьи, М.Зингьарован бине Мегьарамдхуьруьн райондай я. Ада республикадин, уьлкведин дережада аваз, Гуржистанда, Эрменистанда кьиле фейи международный турнирра кIвенкIвечи чкаяр кьуна.
«Лезги газет»
