Бине Ахцегьай тир машгьур меценат Нариман Гъазалиева Кьиблепатан Дагъустандин районра жегьилрин арада тешкилзавай конкурсрин, олимпиадайрин, спортдин акъажунрин кьилин спонсорвал ийиз са шумуд йис я. Адан куьмекдалди мукьвара Ахцегь районда мад са мярекат кьиле фида.
Са жерге Телеграм-каналри хабар гузвайвал, 20-августдиз Ахцегьа мини-футболдай Нариман Гъазалиеван савкьатар патал акъажунар кьиле фида. Спортдин сувар Украинада кьиле физвай махсус серенжемда телеф хьайи дагъустанвийрин экуь къаматдиз бахшдайвал я.
Приздин фондуни 150 агъзур манат тешкилзава. Турнирда Грозный, Махачкъала, Хасавюрт, Каспийск, Дербент шегьеррин, СтIал Сулейманан, Мегьарамдхуьруьн, Докъузпара, Ахцегь ва Рутул районрин командайри иштиракда.
«Лезги газет»
