Дагъустандин Кьил Сергей Меликова жегьил алимар патал махсус стипендия тайинарнава. Идакай “Лезги газетдиз” РД-дин Кьилин пресс-къуллугъди хабар гана.
И месэладиз талукь Указда къейднавайвал, илим ва технологияр вилик финик лайихлу пай кутунай гьар йисуз жегьил алимар патал 100 агъзур манатдин кьадарда аваз 34 стипендия чара ийида. Пулдин такьатар республикадин бюджетдай къачудайвал я.
Стипендия гудай алимар илимдин ахтармишунрин проектриз талукь конкурс кьиле тухуналди хкяда. Стипендия къачун патал тайинарнавай кьилин шартIарик яшар ва илимдин дережа акатзава. ИкI, чпин яшар 35 йисалай виниз тушир илимрин кандидатривай, 40 йисалай виниз тушир илимрин докторривай ва илимдинни высший образованидин идарайра илимдин дережа авачиз кIвалахзавай, чпин яшар 30 йисалай виниз тушир пешекарривай иштиракиз жеда.
Конкурсдин вири шартIарихъ галаз гегьеншдиз РД-дин Кьилин сайтда таниш жедай мумкинвал ава.
«Лезги газет»
