Квез чидани?
— Бенин РагъакIидай патан Африкада авай гъвечIи уьлкве я. Адан умуми майдан 112622 квадратный километрдикай ибарат я.
— Бенинда 12 миллиондив агакьна инсанар яшамиш жезва. Уьлкведин меркез Порто-Ново я, ана 270 агъзур агьали яшамиш жезва.
— Исятда Бенин алай мулкарал палеолитдин ва неолитдин девирра сифтегьан инсанар яшамиш хьана.
— Африкадин йоруба чIалай таржума авурла, “Бенин” “дявейрин уьлкве” ва я “къалмакъалрин уьлкве” лагьай чIал жезва.
— ГъвечIи уьлкведа 60-далай виниз халкьар яшамиш жезва.
— Ганвье хуьр тамамдиз бамбукрин усал кIвалерикай ибарат я. Итижлу делил ам я хьи, и хуьр вирел ала. Бязи чешмейри Ганвье вирел эцигнавай гъвечIи шегьер я лагьана тестикьарзава. Адетдинди тушир и чка 18-асирда Дагомеядин аскерри гьужумуникай хуьн патал цел эцигна. Дагомеядин пачагьлугъдин агьалийрин диндин инанмишвилерал асаслу яз, абуруз динди циз гьахьун къадагъа ийизва.
— Бениндин гьайванрин алем девлетлуди я: ана гуьрчег миргер, асланар, гепардар, лекьенар ва маса гьайванар, тIимил-шимил гамишарни филер яшамиш жезва. Вагьшияр гзафни-гзаф Дубль Вэ ва Пенджари милли паркара ава.
— Бениндин виридалайни еке шегьер Котону я, ана 780 агъзурдав агакьна агьалияр яшамиш жезва. Президентдин ва гьукуматдин резиденцияни меркезда ваъ, Котонуда ава.
— Бениндин мулкара газ, нафт хкатзавай чкаяр аватIани, абур ишлемишзавач. Уьлкведа къизил, ракьун руда ва мармар ава.
— Бениндин кафейра инсанриз гзаф вахтара пулсуздаказ манго ва бананар гузва.
— И уьлкведин экономикадин асул хел хуьруьн майишат я.
— Бенинда спортдин жуьрейрикай виридалайни гзаф футбол машгьур я.
— Юкьван гьисабдалди бенинвийрин хизанра 5 аялдиз тербия гузва.
— “Стхавал, адалатлувал, зегьмет” — им Бениндин девиз я.
«ЛГ»
