Къе, 26 -майдиз, Махачкъалада, тарихдин «Урусат — зи тарих» паркуна, «НАТО и лидер альянса. Хроника жестокости» выставка ачух хьана.

Выставкада теклифнавай жуьреба-жуьре шикилри, видеойри НАТО-ди, США-ди дуьньядин са жерге уьлквейра кьиле тухвай къанунсуз гьерекатрикай хабар гузва. Абурун жергеда Вьетнам, Гренада, Афганистан, Ирак ва масабур ава.

НАТО-дин къанунсуз гьерекатри миллионралди инсанрин уьмуьр хаталувилик кутуна, телефвилерал гъана.

Выставкада РД-дин информациядин ва печатдин Агентстводин кьил Абдуразакь Джамалутдинова, тарихдин паркунин регьбер Тимур Велиханова, республикадин СМИ-рин кьилин редакторри иштиракзава.

А.Джамалутдинован фикирдалди, ихьтин выставкаяр, сиягьатар тешкилунихъ еке метлеб ава ва анриз хизанарни галаз фин герек я.

«Акьалтзавай несилриз са тахсирни квачир инсанар телеф авур дявейрикай, абурун тешкилатчийрикай, зулумкаррикай чир хьана кIанда. Ихьтин выставкайри НАТО-ди кьиле тухвай къанунсузвилерин гьакъикъи шикил ачухарзава», — лагьана РД-дин информациядин ва печатдин Агентстводин кьили.

«Лезги газет»