РД-дин хуьруьн майишатдин ва недай суьрсетдин министр Мухтарбий Аджекова хабар гайивал, Дагъустандин тежрибайрин станциядин бинедаллаз республикади хсуси тумар гьасилиз башламишнава.
“Илимдиз грантралди куьмек гунин сергьятра аваз чавай майвайрин культурайрин тумар гьасилунин карда са кьадардин агалкьунрив агакьариз хьанва – Дагъустандин тежрибайрин станциядин бинедаллаз чна цун патал кутугай хсуси тумар гьасилзава. Алай вахтунда, яни уьлкве сергьятламишдай серенжемрин басрухдик квайла, им иллаки хци месэладиз элкъвенва, гьикI лагьайтIа, майвайрин культурайрин 80 процентдив агакьна тумар чна къецепатан уьлквейрай маса къачузвай”, — малумарна министрди экономика виликди тухуниз талукь оперштабдин заседанидал. М.Аджекова алава хъувурвал, тежрибайрин станциядин бинедаллаз гьакIни гзаф йисарин набататрин ва хуьруьн майишатдин маса культурайрин вирусар акат тийидай жуьредин тумар гьасилунин лаборатория ачухнава.
«Лезги газет»
