Россиядин вири пипlера хьиз, Гъалибвилин юкъуз Сулейман-Стальский райондани «Рекьин тийир полк» серенжем кьиле фена, — хабар гузва Сулейман-Стальский райондин администрациядин пресс-къуллугъди.
Чпин бубайрин, чlехи бубайрин шикилар гваз Гъалибвилин ирссагьибар райондин центрадилай обелискдал кьван фена. «Рекьин тийир полк» серенжемдин жергеда райондин образованидин вири идарайрин векилар авай. Санлай къачурла, и йисуз акцияда 600-лайни гзаф инсанри иштиракна. Иштиракчийрин кьадар йис-сандавай артух жезва.
«Лезги газет»
