З.Батмановаз Россиядин Игитдин тIвар гунин гьакъиндай РД-дин Кьилин везифаяр вахтуналди тамамарзавай В.Васильеван баянар
Россиядин Президент Владимир Владимирович Путина вичин Указдалди мад са баркаллу дагъустанвидиз — Зейнудин Батмановаз -Россиядин Игитдин тIвар гунал за дамахзава!
Гьелбетда, и награда кьейидалай кьулухъ ганвайди тирди хажалатдивди кьатIунуниз мажбур жезва… 2015-йисан гатфарихъ агъайна мешебегиди аял гвай жегьил хизан террористрин зулумдикай хуьн патал вичин чан къурбандна. Гражданвилин ва вичин хсуси виридалайни хъсан ерияр къалуруналди, Зейнудин Батманов са тахсирни квачир инсанар есирда кьунвай ва яракьламиш хьанвай бандитрин аксина текдиз экъечIна. Ада гьакIни чкадин полициядин къуллугъчиярни маса ганач. И карди боевикрин ажугъ мадни артухарна.
И игитвал фикир тагана амукьун мумкин тушир. Дагъустандин агъайна хцин жьрэтлувилиз, Ватандиз вафалу хьуниз вини дережада къимет гунай Россиядин Президентдиз чухсагъул лугьузва. Зи фикирдалди, захъ галаз чи республикадин вири агьалияр рази жеда.
Зейнудин Лукьмановичаз Россиядин Игитдин тIвар гуни жегьилар ватанпересвилин руьгьдаллаз тербияламишуниз къуллугъдайдахъ ва и карди экстремизмдизни терроризмдиз акси женгина Дагъустандин общество сад хьуниз таъсирдайдахъ зун инанмиш я.
Вахтуналди РД-дин Кьилин везифаяр тамамарзавай Владимир Васильев
