Къе, Чlехи Гъалибвилин суварин юкъуз, РД-дин Кьилин везифаяр вахтуналди тамамарзавай Владимир Васильева Ватандин Чlехи дяведин ветеранрихъ галаз гуьруьш кьиле тухвана.

РД-дин зегьметдин ва яшайишдин рекьяй вилик тухудай министерстводи тешкилай мярекатда РД-дин Гьукуматдин председатель Артем Здунова, РД-дин Кьилин ва Гьукуматдин администрациядин руководитель Владимир Иванова, тlвар кьунвай министерстводин кьил Расул Ибрагьимова, олимпийский чемпионар тир Абдурашид Садулаева, Мансур Исаева ва масабуру иштиракна.

Владимир Васильева ветеранар тебрикна, ветеранрин чешне гьамиша, иллаки алай вахтунда герекзавайди къейдна, абуруз сагълам ва яргъал уьмуьр тlалабна. Чпин патай ветеранрини тебрикунай,  къайгъударвал авунай Васильеваз чухсагъул лагьана.

«Лезги газет»