Республикадин мектебар Россиядин чирвилер гудай идарайра 5-майдилай 22-майдалди кьиле фидай Вирироссиядин Гъалибвилин тарсуник экечIнава. Идакай РД-дин образованидин министерстводи хабар гузва.
“Мектебра ва колледжра кIелзавайбур патал кьилдин материалар гьазурнава. Тарсара аялриз вучиз лифрез ислягьвилин къуш лугьузватIа, гьадакай, гьакIни ленинградвийрин игитвиликай, Ленинград хвейибурун жуьрэтлувиликай, къачуз тахьай Мамаян тепедикай ва международный “РикIел хуьнин багъ” серенжемдикай суьгьбетда.
Кьиблепатан Сухокумскдин, Дербентдин ва Дербент райондин и тарс кьиле тухвай мектебра аялриз советрин аскеррин игитвиликай, Ватандин ЧIехи дяведин иштиракчийрикай суьгьбетарна, дяведиз талукь фильмаяр къалурна”, — къейдзава министерстводин пресс-къуллугъди.
«Лезги газет»
