Образованидин “НИКА” порталди Дагъустандин образованидин идарайра чирвилер ва тербия къачузвай аялриз, абурун диде-бубайриз, муаллимриз, гьакIни республикадин вири агьалийриз хайи маканриз талукьарнавай вирироссиядин яратмишунрин конкурсра иштиракуниз эвер гузва.
И кар патал официальный сайтдин (https://оценика.рф) чинилай электронный арза рекье тун лазим я.
Хайи макандиз талукь яз кьуд жуьре конкурсар малумарнава: “Зи рикI алай шегьер”, “КIанда заз вун, зи хайи макан!”, “Хайи макандин тIебиат!”, “Хайи макандин сеняткарвилер!”. Агакьнавай вири кIвалахар “Образованидин портал “НИКА” — оценика.рф” СМИ-да чапда.
КьетIендаказ къейдзавайвал, конкурсра вири яшарин агьалийривай ва яратмишунрин коллективривай иштиракиз жезва. Тамам вири делилар официальный сайтдай жагъуриз жеда.
«Лезги газет»
