И йикъара Бакудин олимпийский майдандал ММА-дин къайдайрай WFCA-48 Международный турнир кьиле фена. Вичел «Регьимлу лезги» лакlаб акьалтнавай чи тlвар-ван авай спортсмен Бахтияр Арзуманова нубатдин гъалибвал къачуна.
Бахтиярахъ галаз Россиядай тир Темирхан Агьтемирова бягьс чlугуна. LezgiSport.com чешмеди хабар гузвайвал, пуд раунд куьтягь хьайидалай кьулухъ судьяйрин рейсад къарардалди «Регьимлу лезгиди» гъалибвал къачуна.
«Зун и бягьс кьиле тухуниз хъсандиз гьазур хьанвай. Гьазурвал авачиз зун садрани экъечlзавач», — къейда спортсменди.
«Лезги газет»
