4-майдиз РД-дин премьердин къарардалди Агьмед Мегьамедов РД-дин эцигунрин ва ЖКХ-дин министрдин заместителвилин къуллугъдилай алудна. И гьакъиндай «Дербент» РИА-ди хабар гузва.

Къейдзавайвал, Мегьамедов кlвалахдилай вичин хушуналди элячlна. И кардихъ галаз санал А.Здунова РД-дин эцигунрин ва ЖКХ-дин министрдин заместителвилин къуллугъдал Рустам Фарманов тайинарунин гьакъиндай къарар акъудна.

Рустам Фарманов 2013-2015-йисара Дагъустандин Минтруддин кьилин заместитель тир. 2015-йисан 10-декабрдилай Дербент шегьердин кьилин заместителвиле кlвалахна.

«Лезги газет»