«Сегьнедин устадар – Дагъустандин агьалийриз» гегьенш проектдин сергьятра аваз и йикъара Мегьарамдхуьруьн Ярагъ-Къазмайрин хуьруьн медениятдин маканда Лезги театрдин актерри Шапи Къазиеван «Насрединан къизилдин лам» мах-тамаша къалурна.
Махунин гьерекатар амалдар Насредин себеб яз инсанар хандин зулумдикай къутармиш хьунал бинеламиш хьанва. Эхирдай зулумдин винел регьим гъалиб жезва.
Жегьил тамашачияр кlватl хьанвай залдихъ элкъвена Лезги театрдин диретордин заместитель Нариман Буржалиева тебрикдин гафар лагьана.
Тамашадин эхирдай Ярагъ-Къазмайрин СОШ-дин муаллим Фезина Аюбовади хъсан тамаша къалурунай актерриз, администрациядиз ва театрдин вири коллективдиз муаллимрин дестедин патай чухсагъул малумарна.
«Лезги газет»
