Дагъустанда малдарвал еримлу ийизвайбуруз пулунин такьатар (субсидия) къачудай мумкинвал ава. Идаз талукь малуматар алатай гьафтеда МФЦ-дин идарайри соцсетра раижна.
Къейдзавайвал, пулунин такьатар са шумуд хилез чара ийидайвал я: Дагъустанда хсуси майишатра нек гьасилуниз ийизвай харжийрин са кьадар пай эвез хъувун; Дагъустанда хъсан жинсинин малдарвилиз куьмек гун…
Арзаяр алай йисан 6-майдалди кьабулзава. Программада иштиракун патал документар РД-дин МФЦ-дин вири филиалра вугуз жеда.
Субсидияр гунин къайдайрикай галай-галайвал РД-дин хуьруьн майишатдин ва недай суьрсетдин министерстводин сайтдин “Животноводство” паюна чапнава.
«Лезги газет»
