1-майдиз Каспийск шегьерда кардик квай Али Алиеван тlварунихъ галай спортдин ва жегьилрин дараматда 2018-йисан кьуршахар кьунай Европадин чемпионат гурлудаказ ачухунин мярекат кьиле фена.

Турнир шад гьалара ачухунин мярекатда РФ-дин спортдин министр Павел Колобкова, Дагъустандин Кьилин везифаяр вахтуналди тамамарзавай Владимир Васильева, UWW-дин президент, Вирихалкьарин олимпийский комитетдин исполкомдин член Ненад Лаловича, РФ-дин субъектрин руководителри, Россиядин спортдин кьуршахар кьунин жуьредин Федерацияди, машгьур спортсменри, тренерри ва масабуру иштиракна.

Мярекатдин официальный пай, РФ-дин Президент Владимир Путина турнир мубаракнавай чар кlелуналди, Владимир Васильева ачухна.

Кlватl хьанвайбурухъ элкъвена РФ-дин спортдин министр П.Колобкава тебрикдин гафар лагьана, Дагъустандин гьукумдин органриз, республикадин кьилиз турнир кьиле тухуна куьмекар гунай чухсагъул малумарна.

UWW-дин президент Ненад Лаловичани вири иштиракчийриз, судьяйриз, тренерриз ва спортдин тешкилатриз чемпионат мубаракна.

«Лезги газет»