28-апрелдиз Мегьарамдхуьруьн райондин кьил Фарид Агьмедова ва администрациядин къуллугъчийри Дахадаевский райондай атай мугьманрин десте шад гьалара кьабулна.
Сада-садавай тежриба къачунин мураддалди и юкъуз Мегьарамдхуьруьн райондиз атай мугьманрин жергеда Дахадаевский райондин кьилин заместитель, и райондин АТК-дин, информациядин центрдин, информацийрин технологийрин векилар-пешекарар атанвай.
Хуш гьалара кьабулунай мугьманри райондин кьилиз чухсагъул малумарна. Вичин патай МР-дин кьил Фарид Агьмедова къейд авуна хьи, къунши районрихъ галаз хъсан рафтарвилер хьунал чеб гьамиша шад я, ихьтин дуствилин алакъаяр гьукумдинни халкьдин дережада гележегдани давамарда.
«Лезги газет»
