Физикадин муаллимрин Ассоциациядин кlвалахрин планар уьмуьрдиз куьчуьрмишунин сергьятра аваз и йикъара Мегьарамдхуьруьн райондин Филерин мектебда «ФГОС – цlийи жуьреда чирвилер гьикl гун?» темадай райондин физикадин муаллимрин семинар кьиле фена.

И жуьредин семинар кьиле тухунин кьилин макьсад ФГОС уьмуьрдиз куьчуьрмишунин месэлайра муаллимрин пешекарвилин дережа хкажун я.

«Райондин методикадин кабинет» МКУ-ди тешкилай мярекат муаллимар патал важиблуди ва менфятлуди хьана. семинардин вахтунда Оружба хуьруьн СОШ-дин физикадин муаллим Н.Гьажиевади мастер-класс къалурна. Вичин кlвалахдин тежриба махсус темадай Ходжакъазмайрин М.Къазиеван тlварунихъ галай СОШ-дин муаллим Р. Эседовади раижна.

«Лезги газет»