Мегьарамдхуьруьн районда, “Эко-тур” серенжемдин сергьятра аваз, экологиядин субботник кьиле фена. Мярекатда 150-далай гзаф ксари, гьа жергедай яз, волонтерри, школьникри, студентри, райондин жегьилри, мярекатдин тешкилатчи тир РД-дин туризмдин ва халкьдин художественный сеняткарвилерин министерстводин руководстводи, муниципалитетдин жегьилрин ва туризмдин отделдин векилри иштиракна.
Субботникдин иштиракчийри, санлай къачурла, 250 шешел зирзибил кIватIна. Идалайни гъейри, и юкъуз верхи тарцин 50 къелем цана.
Мярекатдин эхирдай субботникда иштиракай вирибуруз Мегьарамдхуьруьн мискIиндин имам Мумин гьажи Бидирханов кьиле аваз гьазурнавай аш гана.
«Лезги газет»
