Мегьарамдхуьруьн райондиз спортдин рекьяй нубатдин гъалибвал жегьил боксер Роман Искендерова хкана.
15-21-апрелдиз Каспийскда Дагъустандин кlвенкlвечивал патал боксдай акъажунар кьиле фена. Турнирда республикадин гьар са пипlяй атанвай жуьреба-жуьре заланвилин дережайрин спортсменри иштиракна. Къизгъин бягьсера Мегьарамдхуьруьн райондай тир Роман Искендерова инанмишвилелди чемпионвилин тlвар къачуна. И агалкьун себеб яз ада СКФО-дин кlвенкlвечивал патал кьиле фидай турнирда иштиракда.
Роман Советрин Союздин Игит Абас Исрафилован тlварунихъ галай 1-нумрадин МДЮСШ-дин муаллим-тренер Нуфел Къагьриманован регьбервилик боксдал машгъул жезва.
«Лезги газет»
