22-апрелдиз РД-дин Кьил Владимир Васильева меркезда авай алишверишдинни машгъулатрин центраяр ахтармишна.
Икl, мад сеферда яз Гьамидован проспектда авай «Мертебаяр» ТРЦ-дин гьалариз килигна. Сифте сеферда яз и дарамат 2-апрелдиз ахтармишнай. А чlавуз са жерге къайдасузвилер, кьилди къачуртlа, цlай кьунин дуьшуьшда хатасузвал таъминарунин месэлаяр къайдадик квачирди дуьздал акъатнай.
Адалайни гъейри, Васильев И.Шамилан проспектда авай «City» ТРЦ-дизни фена. Ахтармишай вахтунда республикадин кьили алишверишдин дараматрин сагьибрихъ галаз ихтилатарна, авай гьалар веревирдна.
«Лезги газет»
