— Инсанди са юкъуз тахминан 23 агъзур сеферда нефес къачузва.
— Кьуьзуь жердавай инсандин мефтI гьар йисуз кьезил жезва.
— МефтIедин чIехи пай цикай ибарат я.
— Гъилин тупIарин кикер кIвачинбурулай кьуд сеферда фад экъечIзава.
— Са йикъан муддатда инсандин ивидин гьерекатдин мензил 19312 километрдиз барабар жезва.
— Инсандин рикIи йисан къене 35 миллион сеферда тумп-тумп ийизва.
— Нефес кьуна акъвазунин жигьетдай дуьньядин рекорд 7,5 декьикьадикай ибарат я. ЧIехи пай инсанривай нефес къачун тавуна анжах са декьикьада акъвазиз жезва.
— Пешекарри тестикьарзавайвал, ксанвай кIвале гьикьван гзаф мекьи хьайитIа, гьакьван гзаф нагьакьан ахварарни акун мумкин я.
— Тирш ядай фирсетда бедендин вири гьерекатар легьзеда акъваззава.
— Чилел яшамиш жезвай инсанрикай тахминан 10 процент члахъар я.
— Эгер са юкъуз са кьватида авай пIапIрусар чIугвазватIа, куьне йисан къене тахминан са фейжандин кьатI шкьакь хъвазва лагьай чIал я.
— Хъуьредайла, чинин 17 жукIумди кIвалахзава, шехьдайла, — 43 жукIумди.
— Эгер чуру эсиллагь тун тавуртIа, адан яргъивал 9 метрдив агакьда.
— Инсандин рикIин заланвал 220-260 гр ибарат я.
— Инсандин пудкъад йисакай тахминан къад йис ахвара акъатзава.
— Инсандин кьилин кIараб (череп) санлай жуьреба-жуьре 29 кIарабдикай-паюникай ибарат я.
— Акур ахваррин 90 процент инсандин рикIелай алатзава.
«Лезги газет»
