Вичин ери-бине Ахцегь райондин Ухулрин хуьряй тир машгьур пагьливан, тхэквондодай олимпиададин чемпион (2016-йис, Рио-де-Жанейро) Радик Исаев и йикъара Анталияда кьиле фейи Turkish Open турнирда гъалиб хьана.
Къейд ийин, алай вахтунда чи ватанэгьлиди акъажунра тхэквондодай Азербайжандин хкягъай командадик кваз иштиракзава. Нубатдин къизил Радика 87 килограммдал кьван заланвал авайбурун арада Туьркиядай тир Экрем Алидин, Кьиблепатан Кореядай тир Ён Канган, Узбекистандай тир Шокрук Ражабан ва Россиядай тир Михаил Подузован винел гъалибвал къачуналди къазанмишна.
ТIвар кьунвай турнирда 49 уьлкведай 1250 тхэквондистди иштиракна.
«Лезги газет»
