Дагъустанда 2023-йисалди спортдин кьве объект эцигун патал 500 миллиондив агакьна пулунин такьатар чара ийидайвал я. Эцигунрин кIвалахар милли “Демография” проектдин куьмекдалди кьиле тухуда. Идакай РД-дин физический культурадин ва спортдин министерстводин пресс-къуллугъди хабар гузва.
Объектрикай сад — физкультурадинни сагъламвал мягькемар хъийидай комплекс — Дербент шегьерда эцигзава. Ам алай йисуз ишлемишиз вахкудайвал я. И объект эцигун патал бюджетдай 199 миллион манат пул ахъайнава. Кьвед лагьай объект — спортдин комплекс — Хасавюрт райондин Эндирей хуьре эцигзава. Ам 2023-йисуз ахъаюн фикирдиз къачунва. Гьа чIавалди и объект эцигунин кIвалахриз, санлай къачурла, саки 300 миллион манат пул чара ийида.
«Лезги газет»
