Малум тирвал, исятда майдандиз коронавирусдин цIийи штамм пайда хьана: «омикрон».

Пешекарри къейдзавайвал, виликан штаммрилай тафаватлу яз, «омикрон» садакай масадак йигиндаказ акатзава. И штаммдик начагъда галатун гьиссда ва адан кьил тIа жеда.

Духтуррин гафаралди, «омикрондин» дуьшуьшда недай-хъвадай суьрсетдин дад гьиссзава, ни къвезва. И штаммдин пис ерийрикай сад ам я хьи, ада жигерар йигиндаказ барбатIзава. И кардин вилик пад кьунин рекье виридалайни менфятлу яракь, духтурри гьисабзавайвал, коронавирусдиз акси раб ягъун я.

Алай вахтунда Кьиблепатан Дагъустандин районрин арада Хив ва Докъузпара районар рапар ягъунин жигьетдай республикадин муниципалитетрин арада кIвенкIвечи жергейра ава. Рапунин менфятлувал къалурзавай делилрикай сад я ам хьи, тIвар кьунвай районра коронавирусдик начагъбур тупIаралди гьисабиз жеда. Яни чкадин агьалийрин чIехи паюни рапар янавайвиляй начагъ жезвайбурун кьадар тIимил жезва.