Накь, 24-январдиз, Дагъустандин Кьил Сергей Меликов ТОКС-дин векилрихъ галаз гуьруьшмиш хьана. Гуьруьшдин сергьятра аваз абуру веревирд авур кьилин месэла акьалтзавай несилар ватанпересар яз чIехи авуниз талукьди тир.

Санлай къачурла, и гуьруьшди республикадин регьберди ватанпересвилин месэладиз кьетIен фикир гузвайди къалурна. Вичин рахунра С.Меликова ватанпересвилин тербия вилик тухун, дагъвийрин адетар хуьн патал алай йисуз Дагъустанда махсус программа кардик кутазвайдини къейдна.

Лагьана кIанда, ватанпересвал гьар са кас патал асул ивиррикай сад я. Тарихдиз вил вегьейла якъин жезвайвал, чи чIехи бубайри чапхунчийрин, къецепатан душманрин винел къачур гъалибвилер абурун ватанпересвилихъ галаз алакъалу тир. Дагъвияр халис ватанпересар я гьавайда лугьузвач.

Ватанпересвал тек са военный рекьихъ галаз алакъалу туш. Ватанпересвал агъайнавал, чешне, акьул-камал, сабурлувал ва хейлин маса ерияр къалурзавай гуьзгуь я. Ватанпересвилин тербия мягькемарун хизанда — диде-бубайри, мектебда муаллимри аялрихъ галаз тухузвай кIвалахдилай гзаф аслу я. Мектеда лагьайтIа, ватанпересвал сад лагьай чкадал хьуниз лайихлу темайрикай сад я.

Сергей Меликова ТОКС-дин векилрихъ галаз тухвай гуьруьшдини, чи фикирдалди, и кардин гьакъиндай шагьидвалзава.

Агьмедхан Сражидинов, муаллим-методист