И йикъара Мегьарамдхуьруьн М.Гьажиеван тlварунихъ галай 1-нумрадин юкьван мектебда Вирироссиядин «Веселые старты» акъажунрин финалдин къугъун кьиле фена. Мярекатда 5-11-классра кlелзавайбурукай ибарат тир хкягъай дестейри иштиракна.
Акъажунрин программа гегьеншди тир. Дестейриз чукурунин, хкадарунин ва маса жуьредин конкурсар теклифнавай. Школьникри чпин кlубанвал ва алакьунар къалурна. Акъажунрин нетижада жюриди сад лагьай чка Мегьарамдхуьруьн 1-нумрадин мектебдин дестедиз гана. Кьвед лагьай чка Самурдин ва Кьепlир-Къазмайрин мектебрин дестейри чпин арада пайна. Акъажунар спортдин, сагъламвилин ва жегьилвилин халисан сувариз элкъвена.
«Лезги газет»
