“Айболит”

—           Кьиле кан авайла, кьил дег­тярный запундай чуьхуьн гзаф хийирлу я. Адак верхи тарцин деготь гзаф ква. Ада кьиле кан хьуниз манийвал гузва.

—           РикIи акъвазиз-акъвазиз  кIва­лахдайла, мелисса хъчадин къаришмади хъсандиз куьмек гуда. Ам икI гьазурда: хуьрекдин кьве тIуруна авай хъчарал 0,5 л ргазвай яд илична, 40 декьи­кьа­да тада. Ахпа ам куьзна, ­куьлуь-куьлуь хупIар ийиз, хъвада.

—           Къуватдай аватна, иштягь авачир лишанар гьисс авурла, жикIий­рин­ни яру рябинадин гьалима ишлемишун хийирлу я. Ам икI гьазурда: хуь­рекдин 2 тIуруна авай сад-садак какадарнавай къаришмадал 0,5 л ргазвай­ яд илична, 7-10 декьикьада зайиф цIал ргада. Ахпа ам куьзна, йи­къа 2-3 сеферда истикандин са кьатIа авайди хъвада.

—           Мадни, галатун  гьиссзавайла,     3-4 юкъуз экуьнахъ ва нисинихъ кIе­рецрин регъвенвай хвехвер, виртIедик кутуна, ишлемишун хийирлу я.

—           Бронхитдин азар  авайла, 100 мл ргана кузвай некIедиз чайдин са тIуруна авай вирт ва гьакьван дуьд­гъвер, чукIул­дин кIвенкIвел алай хуьрекдин сода вири сад-садак какадарна вегьена, йикъа са сеферда ичIи рикIе­лай, куьлуь-куьлуь хупIар ийиз, хъвада­.

—           Къатидаказ кьил  тIазвайла,      3-4 къацу  чичIекдин лацу чкаяр ргана, абурун яд хъун меслят къалурзава.

—           МетIерин жалгъайра  тIал авайла, чайдин са-са тIуруна авай кьел, со­да­, горчица, сирке вири сад-садак кака­дарна, метIеривай гуьцIна, целлофандалди кIевирна, 2 сятда тада. Ахпа чи­ми цяй чуьхуьн хъийида. ИкI са шумудра ийида.­

—           Пакун тIваларин арайра тIал (межреберная невралгия) авайла, валерианадин  настойка са тIимил чими аву­на­, адак жуна хъсандиз кьежирна, тIаз­вай чкадал эцигна, винелай ком­прессдин чарчелди ва чими шарфуналди кIевда. Ихьтин са шумуд процедура авурла, азарди яргъалди вичикай хабар хгудач, бязи дуьшуьшра михьиз квахьунни мумкин я.

—           Вилерин экв  хъсанарун патал, 2 истиканда авай жикIийрал 2-3 литр яд илична, зайиф цIал эцигна, ргана 2 сятда тада. Ахпа адаз шекер алава хъувуна, экуьнахъ ва нянихъ 1/2 истиканда авайди хъвада. 3-4 вацралай вилерин экв хци жеда ва чIулав лекьин кIвалахни къайдадик акатда.

—           Бедендик хамунин азар кваз квал акатнавайла, са ведро циз 100 г картуфдин крахмал вегьена, ванна кьабулда. Квал секин жеда.

—           Япар тIаз ирин къвезвайла, кьурурнавай лимондин цуькверал медицинадин михьи спирт илична, 2 гьафтеда тада. Ахпа йикъа 1-2 сеферда япа­риз 1-2 стIал вегьеда. Са шумуд йикъалай япарин тIал секин жеда ва ирин авахьун акъваз жеда. я. Ихьтин къаришмади катаракта ва глаукома авайбурузни хъсан куьмек гуда.

“Айболит” газетдай.

Гьазурайди — Надият  Велиева