И йикъара Мегьарамдхуьруьн райондин медениятдин маканда шаир, гьикаятчи ва хайи чlалан муаллим Сулейман Пашаеван «Пак фикирар» ктабдин презентация кьиле фена.
Мярекат Дагъустандин писателрин Союздин лезги секциядин регьбер, бажарагълу ва жегьил шаир Владик Батманова кьиле тухвана.
Мярекатда ктабдин авторди, Санкт-Петербургдай хтанвай шаир Гуьзеля Гьасановади, райондин яратмишзавай векилри, идарайрин къуллугъчийри, мектебра кlелзавай аялри иштиракна.
Мярекатдин сергьятра аваз иштиракчийри шаирдин яратмишунрикай, ктабдин метлебдикай ихтилатна. Аялри С.Пашаеван шиирар кlелна, чкадин меденитядин макандин къуллугъчийри манияр тамамарна.
«Лезги газет»
