Цlийиз тайинарнавай Дербент шегьердин Кьил Энрик Муслимова кlвалахдин рекьяй сад лагьай совещание кьиле тухвана. И гьакъиндай «Лезги газетдиз» Дербентдин администрациядин пресс-къуллугъди хабар гузва.
Совещанида шегьердин администрациядин кьилин заместителри, шегьердин идарайринни тешкилатрин регьберри иштиракна. Энрик Муслимова абурухъ галаз шегьердин кар алай месэлаяр ва абур гьялдай рекьер веревирдна.
Совещанидал яшайишдин шартlар хъсанарунин, яшамиш жедай чкадалди таъминарунин, шегьердин вини кьилин паюнин куьчеяр абадунин месэлаяр веревирд авуна.
Дербент шегьердин Кьилин везифаяр тамамарзавай Энрик Муслимова совещанидал къарагъарай вири месэлаяр вичин гуьзчивилик кутада лагьана.
«Лезги газет»
