Эхиримжи вахтара халкьдин образованидин хиле хейлин проектар кардик кутунва. Абур мектебрин, ясли-бахчайрин кIвалахар хъсан хьун, виликди тухун­ патал я. Хьанвай, жезвай дегишвилерин арада пионеррин уьмуьрдиз, абурун везифайризни крариз талукь цIийи­ви­лерни къейд ийиз жеда.

РФ-дин Президент В.Путинан къарардалди, “Рос­сия­дин мектебра кIелзавай аялрин гьерекат”  лишандик кваз, аялринни жегьилрин госу­дар­ст­во­дин дережадин тешкилат кардик кутунва­. Адан бинедаллаз, пионеррин тешкилатра бязи дегишвилерни хьанва. И йикъара Курхуьруьн 2-нумрадин юкьван мектебда пионеррин линейка хьана, ана муаллимрини иштиракна. РФ-дин Гимндихъ яб акалайдалай гуьгъуьниз дестейрин советрин председателри рапортар гана.

Мектебдин тешкилатчи Уружбегова Лейлади пионерриз ва абурун гележегдин крариз талукь яз РФ-дин Прези­дентдин­ мукьвара акъат­навай къарардин мана-метлебдикай, муаллимринни пионеррин тешкилатрин арада хьун герек тир сих алакъайрикай суьгьбетна. Ахпа анал чпи яргъал йисара старший пионервожатыяр яз бегьерлувилелди кIва­лахай Шихбабаев Шихбаба ва  и цIа­ра­­рин автор рахана. Гуь­гъуьнлай анал 2-классдин аялри­  пионервилин кьин кьуна, ветеранри абурун гарданра галстукар туна. Чпикай ги­ла пионерар хьанвайвилин лишандиз жа­ваб яз, гележегда хъсандиз кIелдай­ди, низам-ахлакь хуьдайди, хийирлу кра­ра активнидаказ иштиракдайди, чIе­хибуруз гьуьр­метдайди хиве кьуна.

ИкI, гила пионервилиз, виликдай хьиз, 4-классдилай ваъ, 2-классдилай кьабулзава.

Райсудин  Набиев,

муаллим, зегьметдин ветеран