Алай йисан 30-мартдиз йикъан сятдин 2-даз РАН-дин Дагъустандин илимрин центрадин чIалан, литературадин ва искусстводин Гь.ЦIадасадин тIварунихъ галай Институтда машгьур лингвист-лезгиновед Букар Бекирович Талибован 90 йисан юбилейдиз талукьарнавай рикIел хкунин межлис кьиле фида.

Мярекатдин оргкомитетди къейдзавайвал, межлисда Дагъустандин илимдин, жемиятдин векилри, писателри, аспирантрини студентри, муаллимри ва масабуру иштиракда.

Чна алимдин ирсиниз гьуьрметзавай вири ватанэгьлийриз и мярекатдиз теклифзава.

Оргкомитет