Гьакъикъатдикай чуьнуьх хьун, санизни катун мумкин туширвал, ам аквазвай вилерни акьализ жедач.
Межид Гьажиев
ДатIана вирт кIватIа жуван Ватандиз,
Ваз вирт гузвай цуьквер пузмиш тавуна.
Шихнесир Къафланов
Хъуьруьн тийидай инсан, яд кьурай булах хьиз, мешребсуз жеда.
Буба Гьажикъулиев
КIеве гьатай чIавуз ичкидин дустар яргъал жеда.
Абдулбари Магьмудов
Лекьре женгина жуьрэтлувал квадардач.
Алирза Саидов
КIан хьуналди, кьемкьердивай
Вечрен кака хаз жедай туш.
Лезги Нямет
Цун тавур никIяй
За техил гуьдач.
Жамидин
Меци инсан гуьрчегни ийида, абурсузни.
Назир Мирзоев
Дарихвили инсан зур хьиз агажда.
Исмихан Къадимов
ЧIални тергна, рикIяй халкьдин тIал тергна,
Кьил хуьзвай кас — ам я халис кьейиди.
Муграгъ Салахъ
КIватIайди — К.КIелетви
