Къушарикай итижлу делилар
— Алай вахтунда инсанриз къушарин 10694 жуьре малум я.
— Бязи чешмейри тестикьарзавайвал, киви лувар авачир къуш я.
— Къушарин бедендин чимивал инсандиндалай 7-8 градусдин виниз я.
— Къушар гьекь жедач.
— Къушарин кIарабрилай гзаф цIакулар залан я.
— Девекъуш, киви, казуар, додо ва пингвин — ибур лув гуз алакь тийизвай къушар я.
— Девекъушдилай еке къуш мад авач. Ам 2 метрдилайни гзаф кьакьан хьун мумкин я.
— КукупIри маса къушарин мукара какаяр хада.
— Дуьньяда зегьерлу къушарин жуьреяр 6 ава.
— Императорский пингвиндивай 9 гьафтеда ем галачиз дурум гуз жеда.
— Девекъушдин кака ругун патал 1,5-2 сят вахт кIан жеда.
— Виридалайни “акьуллу” къуш адетдин хуьруьн нуькI яз гьисабзава: беден санлай 100 грамм заланвиликай ибарат адан мефтIеди 4,5 грамм заланвал тешкилзава.
— ТIебиатда бязи къушар 45 йисуз кьван яшамиш жезва.
— Виридалайни йигин къуш сапсан я.
— Колибриди кьулу-кьулухъди лув гуда.
— ТипIер гъуьлягърин мукариз фидай дуьшуьшарни жеда.
— Верчерилай чпин уьмуьр къутармишун патал кьейидан кьасар ийиз алакьда.
— Девекъушдин мефтIедилай вилер еке я.
— Девекъушар гзаф яшамиш жезвай къушар яз гьисабзава. Абурун уьмуьр 50 йисакай ибарат хьун мумкин я.
— Катран вилериз инсандинбурулай 8 сеферда хъсандиз аквада.
— Филиппинра лекьериз еке къимет гузва, гьавиляй абур кьейи кас 12 йисуз дустагъда ацукьарзава.
— Вагьши къушарин жуьреяр тахминан 270 ава.
«Лезги газет»
