СтIал Сулейманан райондин сайтда хабар ганвайвал, августдин вацран сифтегьан пуд гьафтеда  футболдай А.Жарулаеван экуь къаматдиз бахшнавай районрин уртах турнир хьана. Адет хьанвайвал, спортдин и серенжем Агъа СтIалрин хуьре,  А.Жарулаеван тIварунихъ галай стадиондал, футбол къугъунин вири къайдайрал амал авуналди кьиле тухвана. ЦIи ана Дагъустандин жуьреба-жуьре муниципалитетрай тир 20 командади иштиракна.

Футболистри тамашачийриз еке устадвилелди, декьикьадани уяхвал квадар та­ву­на, кьиле тухузвай къизгъин ва яргъалди­ рикIел аламукьдай итижлу къугъунар ба-гъишна. Нетижада “КьепIир” (Кьурагь район) командади — 4, турнирдин “иесияр” тир Агъа СтIалрин командайри (“Агъа СтIал -1” ва “Ветеранар”) 2 ва 3-чкаяр кьуна. 1-чкадиз “Куьре” команда лайихлу хьана.

Гъалиб хьайибурувни призёррив кубокар, дипломар ва пулдин пишкешар вахку­низ талукьарнавай шад мярекатда об­ще­ст­­венный деятель ва меценат Мамед Аба­со­ва, турнирдин тешкилатчийри — Жарулаеврин хизандин ва райондин спортдин, ту­ризм­динни жегьилрин крарин рекьяй комитетдин векилри, гьакIни РУО-дин начальник Гьуьсейн Шихбабаева ва гзаф масабуру иштиракна.

«Лезги газет»