Алатай гьафтеда Дагъустандин Кьилин везифаяр вахтуналди тамамарзавай Сергей Меликов Дербент шегьердиз мугьман хьана. Ина республикадин Кьили Афгъанистанда кьиле фейи женгерин кьве ветерандиз — цIийи кIвалер ва спортдин мастер, дзюдодай Европадин чемпион Камал Ханмегьамедоваз агалкьунар мубаракна.
Абурухъ галаз кьиле фейи гуьруьшда С.Меликова афгъанвийрин жуьрэтлувилер ва абуру интернациональный буржи намуслувилелди кьилиз акъудайди къейдна.
Гуьгъуьнлай Сергей Меликов РФ-дин Госдумадин депутат Мурад Гьажиевахъ ва Дербентдин мэр Рустамбег Пирмегьамедовахъ галаз санал шегьердин аялрин 16-нумрадин “Чебурашка” тIвар алай бахчадиз фена. Образованидин идарадин директор Эмилия Къазиагьмедовадин гафаралди, бахчадин дарамат алатай йисуз цIийикIа туьхкIуьр хъувуна. Къенин юкъуз ина 275 аял кьабулдай чкаяр ава.
Республикадин Кьил бахчада бицIе-кар патал тешкилнавай шартIарихъ галаз таниш хьана ва идарадин кIвалахдилай рази яз амукьна.
«Лезги газет»
