13-августдиз Физкультурникдин йикъаз­ талукьарнавай мярекат Мегьарамдхуьруьн райондани кьиле фена. Райондин кьил Фарид Агьмедова спортдин хиле зегьмет чIугвазвай са десте юлдашрив Дагъустандин физический культурадин ва спортдин министерстводин патай разивилин чарар вахкана.

Шабагьар вахкудайла, Ф.Агьмедова спортсменриз, тренерриз, муаллимриз Физкультурникдин югъ мубаракна, акьалтзавай несилар сагъламбур яз чIехи хьунин карда спортди кьунвай чка къейдна, райондин спорстменрихъ мадни еке агалкьунар хьун алхишна.

Къейд ийин хьи, Физкультурникдин йи­къан­ сергьятра аваз Мегьарамдхуьруьн районда воркаут — майдандал “Чаз спорт кIанда!” лишандик кваз акъажунарни кьиле фена.

___________________________________________________________________________

Шад гьалара

13-августдиз, Физкультурникдин йикъан­ вилик, СтIал Сулейманан районда спор­т­сменар, тренерар, спортдин секцийрин регьберар, муаллимар теб­рикна­.

Шад мярекат ЦIийихуьруьн мектебдин цIийикIа туьхкIуьр хъувунвай мини-фут-бол­дин майдан ачухунилай гатIун­на. Ана райондин кьил Нариман Абдулмуталибова, общественный палатадин кьил Али­мет­ Мейланова, спортдин, туризмдин, жегьилрин крарин рекьяй комитетдин директор Надир Эфендиева ва масабуру иштиракна. Вичин рахунра Н.Абдулмуталибова спорт­дин хиле гьа­къисагъви­лелди зегьмет чIуг­вазвай виридаз Физкультурникдин югъ му­баракна, райондин спортдин уьмуьрда кьиле физвай дегишв­и­ле­рикай, спортсменрин агалкьунрикай ихти­латна.

Гуьгъуьнлай спортдин хиле хейлин йиса­ра зегьмет чIугвазвай са жерге юлдашрив шад гьалара шабагьар вахкана. ТIварцIин ся­те­риз,­ гьуьрметдин грамотайриз, разивилин ча­рариз лайихлу хьайибурун арада Н.Эфендиев, Т.Бабаев, А.Агъамирзоев ва масабур  авай.

«Лезги газет»