Дагъустан Республикадин Кьилин везифаяр вахтуналди тамамарзавай Сергей Меликован къарардалди РД-дин Общественный палатадин член, РФ-дин Президентдин ва РД-дин Кьилин грантрин гъалибчи, РД-дин лайихлу экономист, вичин ери-бине Хуьруьгрин хуьряй тир Ислам Мурадович Мегьамедовав и йикъара чIехи шабагь — “Дагъустан Республикадин вилик лайихлувилерай” орден вахкана.
“Лезги газетдин” редакциядин коллективди Ислам Мурадовичаз зегьметда къазанмишнавай агалкьунриз, гзаф йисарин гьакъисагъ кIвалахдиз килигна ганвай шабагь мубаракзава. Къуй адахъ мадни еке агалкьунар хьурай!
«Лезги газет»
