Гьуьрметлу лезгияр!
Квез виридаз сивер хуьнин — пак Рамазандин варз рикIин сидкьидай мубаракрай!
Мусурманар патал Аллагьди тайинарнавай къайдайралди, акьулбалугъ, сагълам гьар са динэгьлиди Рамазандин вацра сив хуьн лазим я. И вацра сив хуьн Исламдин вад бинедикай сад я. Сивер хуьникай инсан патал еке хийир ава. Аллагьди хиве тунвай мажбурнама кьилиз акъудунилай гъейри, и кардикай инсандин сагъламвал патални еке хийир ава.
Сив хуьз кIанзавай касди ихьтин ният авун лазим я: «За алай йисан Рамазандин вацра Аллагь патал пака сив хуьдай ният ийизва». Алимри къейдзавайвал, сив хуьз гьазур жезвай касди экуьнин капI гатIундалди 20 декьикьа амаз тIуьн-хъун акъвазарун шартI я.
Къуй гьар са мусурманди кьадай сивер, ийизвай дуьаяр Сад Аллагьди кьабулрай! Къуй чун Халикьди вичин берекатрикайни мергьяматлувилерикай магьрум тавурай! Амин!
«Лезги газетдин» редакциядин коллектив
