Мегьарамдхуьруьн районда 2001-йисуз дидедиз хьайи ва идалайни гъвечlи яшда авай рушарин арада райондин кlвенкlвечивал патал волейболдай кьиле фейи акъажунар куьтягь хьана. И гьакъиндай «Лезги газетдиз» Мегьарамдхуьруьн райондин администрациядин пресс-къуллугъди хабар гузва.

Чешмеди кхьизвайвал, райондин сергьятра волейбол фадлай рикl алай спортдин жуьредиз элкъвенва ва, мукьвал-мукьвал и жуьредин мярекатар кьиле тухуникди, гзафбур спортди вичел желбзава.

Акъажунра Мегьарамдхуьруьн райондин вири хуьрерин мектебрин дестейри иштиракна.

Къизгъин акъажунрин нетижада Къуюстанрин мектебдин рушарин десте гъалиб хьана. Кьвед лагьай чка Гилийрин мектебдин дестеди ва пуд лагьай чкани Цlийихуьруьн мектебдин дестеди кьуна.

Куругъли Ферзалиев