6-мартдиз Америкадин «Forbes» чешмеди лап девлетлу карчийрин глобальный сиягь малумарна. Аник Россиядин 102 миллиардерни, гьа жергедай яз, Россиядин лап зурба «Полюс» компаниядин сагьиб Сулейман Керимовни ква.

Машгьур лезгиди Россиядин карчийрин арада 20-чка ва глобальный сиягьда 265-чка кьазва. Чешмеди къейдзавайвал, дагъустанви карчидин девлет 100 миллион доллардин артух хъхьанва ва санлай къачурла, адан девлетди 6,4 миллиард доллар тешкилзава. Россиядин карчийрикай сад лагьай чкадал вичихъ 19,1 миллиард доллар авай Владимир Лисин ала.

Куругъли Ферзалиев