Лезги писателрин Союзда
И йикъара Махачкъалада, Педагогикадин НИИ-да лезги писателрин Союздин правление эвер гана. Анал са месэладиз килигна. Вичин хушуналди ЛПС-дин правленидин председателдин везифайрикай азад хьайи Максим Тагьирович Алимован чкадал цIийи регьбервиле чи машгьур юрист, РФ-дин писателрин Союздин член, шаир ва гьикаятчи Абил Абдурагьманович Межидов хкяна.
Писателрин Союздин правленидин кьиле саки 10 йисуз хьайи Максим Алимован, цIийиз хкягъ хъувур Абил Межидован (Сардар Абилан) гьакъиндайни хуш келимаяр илимрин доктор, профессор, машгьур гьикаятчи Къ.Х.Акимова, шаир ва публицист М.А.Жалилова, Дагъустандин халкьдин шаир А.М.Къардашова ва масабуру лагьана. ЛПС-дин кIвалах мадни хъсанардай хейлин рекьерни веревирдна.
«Лезги газет»
