Яслийра алава чкаяр арадал гъун патал СКФО-дин регионриз федеральный бюджетдай 5 миллиард манат кьван пулдин такьатар чара ийида. И гьакъиндай 23-февралдиз РФ-дин Гьукуматди акъудай къарарда къейднава.

Икl, санлай къачурла, Дагъустандал 1,032 миллиард манат гьалтда, идакай саки 517 миллион 2018-йисуз ва 516 миллиондилай тlимил хьиз 2019-йисуз ахъайда.

Ингушетиядиз 514 миллион, Кабардино-Балкариядиз 500 миллион, Карачаево-Черкессиядиз 337 миллион, Кефер патан Осетиядиз 539 миллион, Ставропольский крайдиз 513 миллион манат чара ийида. Виридалайни гзаф, 1,281 миллиард манатдин кьадарда аваз, Чечнядиз ракъурдайвал я.

Санлай къачурла, РФ-дин премьер Дмитрий Медведеван къарардалди, 2018-2019-йисара Россиядин регионрин яслийра алава чкаяр арадал гъун патал 49 миллиард манат чара авунва.

Куругъли Ферзалиев