— Ктаб вири руьгьдалди кIан хьухь! Ам куь неинки лап хъсан дуст, гьакI эхирдалди вафалу рекьин юлдашни я.
М.Шолохов.
— Дуьнья — ракъини, инсан лагьайтIа, чирвилери ишигълаван ийизва. Ктаб суьгьуьрчи хьиз я. Ада дуьнья дегишарзава. Ктабда вири инсаниятдин хурун зигьин, рикIел аламукьунин бажарагъ ава, ам инсандин фикиррин рупор я. Ктабар авачиз, дуьнья вагьшийрин майдандиз элкъведай.
Н.Морозов
— Ктабдал рикI хьухь, ада квез уьмуьр регьятарда, фикирар, гьиссер, вакъиаяр гурлудаказ какахьунай кьил акъудиз куьмекда; ада квез — жувазни, масадазни — гьуьрмет ийиз чирда, акьул-камалдик, рикIик дуьнья, инсан кIан хьунин лувар кутада.
М.Горький
— Ктаб са несилди гуьгъуьнлай къвезвай несилдиз ийизвай руьгьдин веси, яшлу касди жегьил-жавандиз гузвай камаллу насигьат, ял ягъиз хъфизвай часовойди постунал физвайдаз гузвай буйругъ я.
— Ктаб кIан хьана, адаз гьуьрметна кIанда, дерин фикиррин и ибадатханадиз лап екез гьуьрмет авуналди гьахьун буржарикай я.
А.Герцен
— Ктаб — им коллективный тежриба я. Са кьве цIуд ктаб кIелайдаз, лугьун хьи, гьакьван йисарин уьмуьрни акунва.
— Вахтунда кIелнавай ктаб еке агалкьун, кар туькIуьн я. Адалай уьмуьрда дуьз патахъ дегишвал тваз алакьда.
П.Павленко
— Библиотека тек са умуд, инсаниятдин терг тежедай хурун зигьин (память) я.
А.Шопенгауэр
— Эгер ктабрихъ галаз хъсандиз дуст хьайитIа, кIелунра четинвилер регьятдиз алудиз жеда.
Н.Хисроу
— Уьмуьрда гьалтзавай дарихвал, сугъулвал ктабар кIелунал рикI хьуни лезетдиз элкъуьрда.
Ш.Монтескье
— Аялдиз ктабар кIелиз кIанарун — им чавай адаз ийиз жедай лап хъсан пишкеш я.
С.Лупан
— Дуьньяда виридалайни хъсан кинозал кьилин мефтI я. И кар вуна иллаки камаллу ктаб кIелдайла, хъсандиз кьатIуда.
Ридли Скотт
— Пис ктабар неинки менфятсуз, гьатта зарарлу я.
Л.Толстой
— Хъсан ктаб сифте сеферда кIелайла, цIийи дуст жагъай хьиз жеда. Гьа ктаб мад гьалтна, кIел хъувуртIа, куьгьне дуст акур кьван шадвал акатда.
Вольтер
— Ктабрай тахьана, мад гьинай жагъида ваз итиж ийизвай суалриз жавабар, инсаниятдин кьатIунунрин кукIушар чирун?
Секинат Мусаева
(библиотекарь)
